Prety Zinta-in sipai nupui leh fate tan Rs vbc 1.10 pe

Bollywood actor Preity Zinta chuan Indian Army South Western Command hnuaia Army Wives Welfare Association (AWWA), sipai nupui leh fate in telkhawm pawl tan Rs vbc 1.10 a hlan. Preity hian Operation Sindoor kalpui a thlawpna leh sipai thihsan hmeithai chhungkuate puihna atana a pek a ni.

Preity hian a sum pek Punjab Kings' Corporate Social Responsibility (CSR) fund-a share neih aṭanga pek niin, sipai thihsan hmeithai chhungkaw tan, an fate zirna kawnga puihna tur niin tarlan a ni.

Pawisa hlanna inkhawm hi Inrinni liam ta khan Jaipur-ah buatsaih niin, South Western Command-a sipai Commander, Shapta Shakti AWWA regional president leh sipai chhungkua eng emaw zat an tel. Preity hian India sipaite hnathawh leh hmalakna te chu a chhuan tak zet thu te a sawi lang bawk.