Billboard 200: No 1-ah ropui takin Morgan Wallen a rawn kir

Billboard 200 album chart-ah Morgan Wallen chu a studio album thar, ' I’m the Problem' hmangin ropui takin No 1-ah a rawn kir.

'I’m the Problem' hian tlangzarh karah US-ah equivalent album unit 493,000 neiin, kumina album tih chhuah zingah tlangzarh kara equivalent unit nei tam ber a rawn ni nghal a, 2025 chhunga album chhuak zingah kar khata stream ngah ber a ni bawk.

Morgan Wallen hian a album thar hi Billboard 200-a No 1 ni thei album pathum a neihna a ni a, 2023 khan 'One Thing at a Time' chu a zawn loin kar 13 chhung No 1 a nihpui a, 2021 khan a zawnin 'Dangerous : The Double Album' chu kar 10 chhung No1 a lo hauhpui tawh bawk a ni. 'I’m the Problem' album-a hla 37 te chuan on-demand official stream mtd 462.63 hu an nei a, Top Stream Albums-ah No 1 ni bawkin album sales hi 133,000 a tling bawk a ni.

SZA chuan chart chung ber a lo thlenpui tawh, 'SOS' chu No 2-ah awmin equivalent album unit 47,000 a nei. BTS member Jin solo album thar, Echo chu No 3-ah awmin kum 2024 November thla khan a solo album, 'Happy' chu No 4-ah a lo lanpui tawh bawk.

Billboard 200 chart thara No 4-9 ah hian No 1 dinmun lo hauh vek tawh - One Thing at a Time, GNX, Even in Arcadia, Short n’ Sweet , $ome $exy $ongs 4 U leh Debí Tirar Más Fotos te an awm a, No 10-ah Fuerza Regida ' 111XPANTIA' a lang ve bawk.