Zaninah 'A hma tawng' tlangzarh dawn

Mizo film thar en tur a awm leh dawn ta. Zanin hian Vanapa Hall-ah 'A hma tawng' tih chu desginer lar, Escape Engmawia'n a tlangzarh dawn. A hmunah ticket lei tur a awm nghal dawn a, Runawi app-ah zan dar 8 aṭangin en theih tura chhawp chhuah nghal a ni bawk ang.

'A hma tawng' hi N.Vanlaiphai ṭhalaite kut chhuak niin Director hi Moa a ni a, Lalrohlua Renthlei chu DOP a ni. Zothanpuia leh a ṭhiante chuan Mizo movie industry ṭhang lian chho zelah tih ve tur nei niin an in hria a, zirna chhunzawm lo leh hna dang engmah ngaihtuah tawh loin an tuinaa hlawhtlin tum in an bei chho a. An hun, tha, pawisa leh rilru zawng zawng an inpumpek a,chutih lai chuan an chhungte chuan sorkar hna zawng turin an lo tur ve reng bawk. Zothana leh a ṭhiante chuan mite luh ngam lohna kawngkharah chuan lutin a hma an tawng ve ta pawp mai a, khawvel tak tak hmachhawn hi engtiang chiah a hautak nge ni dawn?

He movie-ah hian hlimawm, beiseina, thudik tak, hmangaihna, hringnun tak tak a inphum a, entute rilru pawh a hneh hle a rinawm.