Faklam hmawrbawk a ni dawn ta

KṬP, Ramthar Veng Branch, Aizawlin an kohhran Golden Jubilee (December 28, 2025) lawmna atana ram pum huapa KṬP branch-te tana Faklâm intihsiak an buatsaih chu zaninah a hmarbawkna neih a ni dawn ta.

Faklâm Intihsiak-ah hian KṬP branch 10 an tel a, Nilaini zan khan final hi ṭanin final round lut, KṬP branch 10-te chu 'Khawngaihna mak mawi leh duhawm' tih hla hmangin an intihsiak a; intihsiakna hla 'common song' hi intihsiakna tur bik liau liaua record thar a ni. Zaninah final round zan hnihna chhunzawm a ni dawn a, an hla duh thlan hmangin lâmin an intihsiak leh dawn a, intihsiak zawhah result puan nghal a ni ang.

Faklâm Intihsiaknaa pakhatna hian Rs 1,00,000 an dawng dawn a, pahnihnain Rs 60,000 leh pathumnain Rs 30,000 an dawng dawn a; nomawi leh thuchei an dawng ṭheuh bawk ang. Branch dang pahnih hnenah consolation prize Rs 12,000 leh thuchei hlan a ni dawn a; final round lut branch dangte'n Rs 2,000 leh thuchei an dawng ṭheuh bawk dawn.

Intihsiak hi chief judge Alan Lalrinawma (Mizo Dance Camp), Henry Varte, Dr Lalzuitluangi leh Zoramchhani ten an endik a ni.