American Music Award entu an pung

Rimawi huanga chawimawina ngaihhlut hlawh, American Music Award chu Thawhṭanni zan khan Fontainebleau Las Vegas-ah Jennifer Lopez host-na hnuaiah hlawhtling taka neih leh niin, live-a thlirtu kum dang aiin an pung nasa hle.

AMA 2025 hi kum 2022 aṭanga live-a pek chhuah a nih hnuah entu an tam ber ṭum niin, 2022 November a tih chhuah ai khan 38% in entu an tam zawk.

AMA hi pe chuak turin CBS hian kum 2024 khan phalna an nei thar a, hemi bakah hian Golden Globe chhuah phalna pawh an nei tel bawk. Entu punna an tehna hi live-a en bakah award sem chhuah a nih nia entu awmzat nena teh a ni. Award sem lai hi CBS in live-a an pek chhuah hmasak berna niin Paramount+ ah stream ni bawkin hei hian entu nasa takin a ti pung bawk niin an tarlang.

Heng streamming platform bakah hian Instagram,TikTok, X, leh Facebook kaltlangin award semna video hrang hrangte hi live loa tih chhuah leh a ni a, heng pawh hi entu an ṭhahnem hle. AMA twitch aṭanga live a tih chhuahah hian entu an tam ber laiin 205.5K an tling a ni.