Harrison Ford leh Gene Simmons-te chawimawi dawn

American actor, Indiana Jones film aṭanga khawvel hriat hlawh Harrison Ford leh Israeli-American musician, KISS hard rock band bassist leh co-lead singer ni bawk Gene Simmons-te chu Operation Smile chuan kumtina an neih ṭhin June 3-a Gala neih turah chawimawina a hlan dawn.

Ford leh Simmons te hian hun rei tak aṭang tawh khan Operation Smile organization hi lo thlawp tawhin, organization kaltlang hian naupang eng emaw zat tan inzai leh hriselna lam kaihhnawih enkawlna kawngah an lo pui tawh ṭhin. Anni bakah organization thlawptu, Rodosky family pawh chawimawina hi hlan an ni dawn bawk. June 3-a Gala neih turah hian Ford hi Randy Sherman Visionary Award hlan a ni anga, Simmons hi Universal Smile Award hlanin Rodosky chhungkaw hnenah hian Philanthropic Leadership Award hlan a ni bawk ang.