Box Office: "Lilo & Stitch" che ṭha chhunzawm

North America Box office-ah a kar hnihna atan Disney live-action 'Lilo & Stitch' chuan venue 4,410 aṭanga USD mtd 63 la lutin pakhatna a la nih chhunzawm. He live-action remake hian ram chhungah USD mtd 280 a la lut tawh a, khawvel pumah a sum hmuh hi USD mtd 610 a tling tawh bawk. Kumin bika US-a movie sum la lut tam pahnihna a ni der tawh.

'Lilo & Stitch' hi Dean Fleischer Camp direct a ni a, Disney live action siam tawh zingah tih chhuah a nih kara sum la lut tam pathumna niin, 'The Lion King' leh 'Beauty and the beast' chiah a pha lo a ni.

'Mission Impossible - The Final Reckoning' chuan theatre 3,861 aṭanga USD mtd 27.3 la lutin a dinhmun ngai pahnihna a la luah nghet. USD mtd 400 senga siam, Tom Cruise channa film hian North America bikah USD mtd 122.6 la lut tawhin, khawvel pumah USD mtd 353.8 a la lut tawh.

Pathumnaah 'Karate Kid: Legends' rawn langin, tih chhuah karah USD mtd 55 a la lut a, khawvel pumah USD mtd 359 a la lut tawh bawk. He version thar hi Jonathan Entwistle direct niin, Jackie Chan leh Ralph Macchio te an chang leh a ni. Palinaah 'Final Destination: Bloodlines' chuan USD mtd 11 a lak luh belh leh a, panganaah hian A24 supernatural horror film 'Bring Her Back' rawn langin, tih chhuah a nih karah USD mtd 7.1 a la lut a ni.