James Cameron-in ‘The Devils’ novel hmangin movie siam dawn

Canadian filmmaker, Titanic, Avatar, leh Terminator film hlawhtling taka lo siam tawhtu James Cameron chuan, Joe Abercrombie lehkhabu hralh tla tak 'The Devils' chu 'Avatar: Fire & Ash' shooting zawhfel hunah film-a siam turin script a ziak dawn tih a Facebook kaltlangin Thawhṭanni khan a tarlang.

Cameron hian Joe Abercrombie kutchhuakte a ngaihsan thu leh tuna a buaipui tum 'The Devils' chuan script ziak ngei tura chona thar a siam thu a sawi. Abercrombie pawhin Cameron chu a lehkhabu ziah screen lama tih chhuah ziak tur atana a duh ber thu a lo sawi ve bawk.

Hmalakna thar kalpui turah hian Cameron leh Abercrombie-te hian script hi an ziak dun dawn a ni. James Cameron kutchhuak thar ber tur, Avatar film pathumna 'Fire & Ash' hi kumin December 19 hian theatre lamah pek chhuah hman tum a ni a, hemi bakah hian Avatar film palina chu December 21, 2029-ah peihfel hman tum a ni bawk. Heng bakah Cameron hian Charles Pellegrino-a lehkhabu 'Ghosts of Hiroshima', atom bomb hmanga beihna thleng thlurbingna chu film-a siam theihna right nikum khan a lo lei tawh bawk.