BTS in 2025 Festa kimchang puang

Korean boyband, khawvel ngaihven hlawh BTS chuan an band kum 12 tlin lawmna atana kar hnih chhung "BTS Festa" neih dan tur kimchang an puang chiang ta. Kumin Festa hi offline event-a neih tur a ni a, June 13 leh 14 hian KINTEX 2, Goyang city-ah neiin, booth 20 an siam dawn a ni.

He hunah hian "ARMY Bomb Photo Spot" a awm dawn bakah "Voice Xone" siam a ni dawn a, hetah hian fan-te chuan memberte voice message an ngaithla thei dawn a, "Trophy Zone" ah BTS leh an fan, ARMY tia kohte nena hlawhtlinna an lo neih ho tawhte an pholang dawn a ni.

"BTS Locker" a awm dawn bawk a, hetah hian member-te thil ngaihhlut tak tak pholan a ni dawn a, "DIY Zone", "Coloring Wall", "Spotify Playlist" te a awm bawk ang. BTS hian June 2 aṭanga 13 chhungin online content eng emaw zat an tlangzarh dawn bawk.