Praise On Final zanin aṭangin

Synfo leh Inkspot Digiprint Solutions buatsaih Praise On chu zanin aṭangin final round neih a ni tawh dawn. Top 10 ten zanin hian intihsiak an nei ṭan ang a, Ni≠ngani zan hian intihsiak an chhunzawm leh ang a, Zirtawpni zanah result puan a ni tawh ang.

Final thleng mi 10 te hi team pathuma ṭhen an ni a, team tin hian mentor an nei vek. Team 1-ah hian K. Lalbiakthanga, Durtlang, Stacy VL Muanpuii, Tukual leh David Lalvensang≠a, Khatla te mentor an ni a, anni hnuaiah hian Lalfamkima, Dawrpui Vengthar; Saitluangpuii Sailo, Zemabawk N leh R. Lalrinmawii, Leitan te an awm.

Zorinsanga Sailo, Ramhlun N; Lalrinawm≠i Sailo, Electric Veng leh Lalhmangaihzuali, Kulikawn te chu Manase H. Saphmingthanga, Ramhlun Vengchung; Vanlalpari, Luangmual Vengthlang leh Lalhriat≠chama, Laipuitlang te chuan an hrual vel thung.

Dr. Zothansanga, Baby Malsawmtluangi leh R. Lalmalsawma ten contestant pali an nei bik a, chungte chu Loncy Lianchungnunga, Laipui≠tlang; Lalruatfeli, Lung≠lei Chanmari; Cindy Lalthanpuii, Tlangnuam leh Lalrinchhana Jongte, Kulikawn Hmunthar te an ni.

Team hrang hrang mentor-ah hian zaithiam musician leh zai conducting lama thiamte dah vek an ni a, heng mite hian an naute an kaihruai ṭha nge ṭha lo tih zanin aṭang kan hmu thei dawn. Praise On hi LPS leh Zonet-a Hruaina ng channel-ah live-a pekchhuak a ni ang.