Kum 13 hnuah Kings of Leon

Kum 13 chhung zet Billboard album chart-a pakhatna luah thei album an neih loh hnuah Kings of Leon chu pakhatnaah a rawn kir leh a, an album thar 'Walls' hmangin he dinhmun hi an rawn luah.

Music critics tena an lo rinlawk angin Kings of Leon chu Billboard 200-ah an rawn che ṭha a, pakhatna an rawn luah. An album 'Walls' chu kar liam ta chhung khan copy 77,000 lai an hralh a, an beisei aiin an hralh hnem. Heng zinga copy 68,000 chu album pangngai a ni a, a bak hi album tlukpui a ni.

Kings of Leon-in pakhatna an luah hnuhnun ber chu kum 2003 kha a ni a, khami kum khan 'Youth & Young Manhood' hla hmangin pakhatna an luah. Album hit tak tak dang nei mah se, pakhatna han luah em hi chu a harsa deuh. Tuna mi hi an album, top 10-a lang thei palina a ni a, kum 2003-a an tih≠chhuah album baka top 10-a lang thei dang chu "Mechanical Bull", "Come Around Sundown" leh "Only by the Night" te an ni.

Drake hi a tlahniam hlei thei lo, tun ṭumah pawh hian pahnihna a rawn luah leh tlat. Drake album 'Views' hi kar liam ta chhung khan copy 40,000 lai hralh a ni leh a, kumina album hlawhtling ber a ni. Pathumnaah pawh album thar dang lang loin, Suicide Squad: The Album bawk kha a ni a, copy 35,000 lai an hralh.

Billboard 200

"Walls" - Kings of Leon (77,000)

"Views" - Drake (40,000)

"Suicide Squad: The Album" - Various Artists (35,000)

"1992" - The Game (32,000)

"Blurryface" - Twenty One Pilots (26,000)

"Mad Love." - JoJo (25,000)

The "Hamilton" Soundtrack - Various Artists (23,000)

"Dangerous Woman" - Ariana Grande (22,000)

"Birds in the Trap Sing McKnight" - Travis Scott (II)

"Revolution Radio" - Green Day