Sam hmanga sumdawnna

I sam a tla a, engah vak mah i ngai lo. Mi tam tak chuan an sam an ziat kawlh a, an sam hlutna an hre lem lo. Mahse tunlai khawvelah chuan sam hi a lo hlu tawh khawp mai a, UK-ah chuan sam tihsei chawp nan hian £1,200 zette sÍn a ngai.

Britain-ah hian sam tisei chawp hi a kum tÍlin an pung a, kum nga kalta aṭang mai pawh khan hetianga sam tihsei chawp hi 70% ngawtin an pung. Liz Hurley te, Mary Berry te, Cheryl-Fernandez Versini te pawh sam siam chawp vek hmang hian a ni an intihmawi ni. Britain hian kum tin sam lem, ton maktaduai 43 zet a lalut.

Hetianga sam an mamawh nasatna phu≠hrutu pawimawh tak chu India hi a ni. India chhim lama Yadagirigutta Temple hi a mala thawhhlawk pawl a ni ang. He temple-ah hian Hindu hmei≠chhiaten an pathian tan an inhlanna entir nan an sam an ziat kawlh ṭhin a, a man an phut lo, sakhaw thil liau liau a ni. He temple-a sam ziat kawlh tur hian hmeichhe 50,000 chuangte ni khatah an kalkhawm ṭhin.

Hei bakah India-ah hian pasalte chu an nupui≠te sam meh kawlh≠tir a, an sam pe turin £ 6 tea thlem an ni
ṭhin a, slum-ah te kal≠in hmeichhe naupangte chu naute lem pein, an sam nen an thleng ṭhin. Heng samte damdawi hmanga a rawngte thlak a ni ṭhin, Europe lamah chuan Eastern European-ho sam an duh ber a, mahse hmuh tur a tam lo. India leh South America mite sam pawh an duh hle. Peru-ah phei chuan in tinah lutin sam lei tur an zawng ṭhin.