Blumhouse-in horror video game film-in siam dawn

Blumhouse Production chuan Kinetic Games Limited kut chhuak horror video games, Covid hri len lai a rawn lar hluai "Phasmophobia" chu film a siam an tum thu an puang. Gost hunting video game khel lai hi Twitch leh YouTube lamah en a hlawh hle ṭhin nghe nghe a, Steam-ah pawh kar eng emaw zat chhung games hralh hlawh a ni bawk a ni.

Video game film adaptation siam tur hi Blumhouse, Atomic Monster, leh a game siam tu Kinetic Games Limited thawk hoa produce tur niin distributor leh release hun tur erawh ruat a la ni lo thung.

Blumhaouse kut chhuak video games adaptation tho, "Five Nights at Freddy's" pawhin khawvel pumah USD mtd 291 sum la lutin, a chhunzawmna “Five Nights at Freddy’s 2" chu December 5 khian tlangzarh hman tum a ni bawk.