India cinema-ah a vawi khatna atan 'Naruto' tlangzarh

Anime en leh ngaihsan hlawh, 'Naruto' franchies movie 'Naruto The Movie: Ninja Clash in The Land of Snow' chu Reliance Entertainment hmalakna in India theater-a a vawi khatna turin tlangzarh a ni ta. Theater-a tih chhuah a nih tur thu hi Variety chuan April khan an lo tarlang lawk tawh a, a hlawhtlinna kan hmu thei ta a ni.

India theatre-a Naruto tih chhuah tur hi India-a anime pek chhuah kawnga mellung pawimawh tak a ni. Theatre-ah hian ṭawng chi thum - Hindi, Japanese, leh English dubbing te en theih a ni dawn a, Reliance Entertainment, TV Tokyo leh Happening 365 Synergies thawh hona hian India chu TV Tokyo khawvel huapa ṭhanlenna kawngah nsaa takin a pui thei dawn niin an tarlang bawk.

Reliance Animation CEO Tejonidhi Bhandare chuan Naruto hian Reliance Animation kut chhuak tih hmasawnna kawngah nasa takin a pui dawn nia an hriat thu a sawi a. Naruto movie chuan India mi ngainatu thinlungah inṭhianṭhatna, rinawmna, leh tawrhchhelnate chu a tuh ngei beisei a nih thu an tarlang.