Taylor Swift album ngaithlatu 400% in pung

American singer leh songwriter, Taylor Swift chuan May 30, Zirtawpni liam ta khan a album hmasa parukte neitu dik tak 'master right' nihna a lei let vek thu a puanzar hnuah a album-te hi streaming platform Spotify aṭangin ngaithlatu an pung nasa hle.

Heng album right hi musician manager Scooter Braun kutah a awm hnuah ani hian a hralh leh a ni. Swift-i kutah a let leh hnuah album te hian ngaihthlak an hlawh thar zual a, fan ruhkawl ṭhahnem takin Spotify lamah heng album right lei lette hi an ngaithla nasa zual bik a ni.

Swift album zingah 'Speak Now' chu stream hlawh ber a nih thu Spotify lam chuan tarlangin 430% laiin ngaithla tu an pung a, hei bakah hian fan lamin re-release an nghahhlelh em em 'Reputation' pawh 175% in stream-tu an pung bawk. 'Fearless' chu 160%, 'Red' pawh 150% leh 1989 chu 110% laiin stream-tu an pung ṭheuh a ni.