Lively-in Baldoni khinna thubuai 2 hnukkir

American actress Blake Lively chuan 'It Ends With Us' film-a a chanpui, director ni bawk Justin Baldoni a khinna pahnih chu a hnukkir. Lively hian Colleen Hoover lehkhabu ziah adaptation a channa director Baldoni hi an film chan lai khan mipat hmeichhiatna rawngkaia a tih buai ṭhin vangin taksa, rilru leh nunphungah harsatna a tawk nia in sawiin Baldoni lakah hian thubuai a theh lut a ni.

Deadpool star Ryan Reynolds nupui, Lively hi Baldoni a khin chungchangah a harsatna tawh nia a sawite tih chianna tur theh lut tura Baldoni ukil-ten an tih hnuah a thubuai theh luh hi a hnukkir ta nia sawi a ni. Kumin January khan Baldoni hian Lively te nupa lakah hian thubuai thehlut ve bawkin, dik lo taka in puhna, in tih hmingchhiat tumna leh mimal nun tihchhiatna thlenah puhin USD mtd 400 chawi tur in a lo khing ve tawh bawk a ni.