Jessie J in hnute cancer vei

British singer-songwriter Jessica Ellen Cornish, Jessie J tiha hriat lar zawk chuan Thawhlehni khan a Instagram-ah thuchhuah rawn siamin, a hla 'No Secrets' April-a a tih chhuah hma lawk khan hnute cancer a vei tih hriatchhuah a nih thu a sawi a, mahse a tir lam chauh a la nih thu a sawi.

Cornish chuan test chi hrang hrang a tih thu sawiin, a natna chungchang pawh mipui hmaa puanzar a duh thu leh, a hun kal tawha amah ngaisangtute thlawpna a dawn zawng zawngte a hriatreng thu a sawi. Amah ang bawka natna tuar mek tam tak an awm tih a hriatin a rilru a tih nat thu a sawi bawk. Jessie J hian a hla 'Together Till Infinity', 'Heaven Bound', 'I Want Love' leh 'Brave' te avangin Grammy-ah nomination a lo hmu tawh a ni.