Sikkim rock band 'Girish and the Chronicles' in lawm hlawh

Sikkim rock band 'Girish and the Chronicles' (GATC) chu US reality show, America’s Got Talent (AGT)-ah Thawhlehni zan khan an inlan a, Indian rock band zingah he show-a inlan hmasa ber an ni. An band hian Adele hla 'Set Fire to the Rain' sain mipui lawm an hlawh hle.

'Girish and the Chronicles' zai hian judge-te pawh a hneh hle a, judge pali - Simon Cowell, Sofia Vegara, Mel B leh Howie Mandel ten 'yes' pe vekin standing ovation an pe hial. 'Girish and the Chronicles' hi kum 2009-a an vocalist Girish Pradhan din niin an line-up chu Girish Pradhan – Vocals/Guitars, Suraz Sun – Lead guitars,

Yogesh Pradhan – Bass guitars/Chief studio producer/Keyboards (Studio) leh Nagen Mongranti – Drums te an ni. Kum 2013 aṭang khan Bengaluru lamah an inkhuar a ni.

GATC hian an band hmingin studio album pathum an nei tawh a, India rock scene-ah pawh an hmingṭha hle a, Nepal leh United States-ah tour an lo nei tawh bawk. AGT-a an performance hi India leh region dangah June 4 khan YouTube, Peacoco, Facebook leh Instagram-ah te tih chhuah a ni.