Seohyun beihna lakah dan angin hma la dawn

Girls Generation member Seohyun agency chuan an agent ni lai humhim turin online kaltlanga beihna hrang hrang awm ṭhin lakah dan anga hma an lak zel tur thu thuchhuah siamin an tarlang. Seohyun agency LEAD Entertainment hian June 4 khan thuchhuah siam hi an ti chhuak a ni.

An thuchhuah siamah hian online kaltlanga thudik tawk lo leh mimal intih buaina lam hawia beihna te, social media platform hrang hrang kaltlanga intih mualphona lam hawia Seohyun beihna awm reng rengah dan angin hma lak zel a nih tur thu an tarlang.

Seohyun hi KBS2 drama thar tih chhuah tur “The First Night With the Duke” atan a in puahchah mek bawk.