SZA-in Michael Jackson record khum

American rapper, singer leh songwritter SZA chuan a album SOS hmangin kum 60 chhunga chart-a No.1 ni rei thei ber record siamin, MJ record siam a rawn khum. SOS hian Billboard chart-ah No-1 ni rei ber dinhmun rawn luah tharin kar 38 chhung No.1 a ni thei.

SZA hian King of Pop MJ-a'n Thriller album hmanga Billboard chart-a a zawn loa No.1 ni rei thei ber, kar 37 chhung No 1 ni thei record a siam chu a rawn khum ta a ni.

SZA hian kar 129 chhung chu chart hi mawi tawhin Top 10 a la chhuahsan lo tluang zel bawk. Kar hmasa chhung khan SOS album hmang hian equivalent album unit 47,000 a hmu chhuak leh a ni. SZA album hi December 2022 a tih chhuah tawh kha niin album chart mai ni lo category hrang hrang chart-ah pawh album-a hlate hian Top an hauh pha fur bawk. SOS hmang hian Top R&B Album chart-ah kar 12 chhung No.1 a ni thei bawk a ni.