Chris Matin leh Dakota Johnson in ṭhen

English singer leh songwriter Coldplay frontman ni bawk Chris Martin leh a bialnu American actress Fifty Shades of Grey star ni bawk Dakota Johnson-te chu kum riat chhung an in kawp hnu ah an in ṭhen fel ta. Chris leh Dakota-te hi kum 2017 aṭang khan in zui ṭanin, in hualna te nei hial tawh anga an sawi hnuah an inneih thu aiin inṭhen ta tih chian a ni ta zawk a ni.

Chris leh Dakota te hi an hna lam ve veah an buai dun hle a, mimal nun zalen taka neiha mahni ina hahdam taka awm theih hi a nuam a tih ber thu Dakota hian interview a neihnaah a lo sawi lang zauh tawh a ni. An inkawp chhung hian in ṭhen zeuh zeuh pawh an lo nei ve tawh a, mahse tunah chuan an inkar zawng zawng tih tawp chian a ni ta niin report chuan a tarlang. Dakota leh Chris te hian fa an nei lo a, Chris zawk hian a nupui hmasa Gwyneth Paltrow nen fanu leh fapa pakhat ve ve an nei.