Thih hnuah pawh Elvis Presley a la hlawhtling zel

Elvis Presley hi amah awm tawh lo mah se, a ropuina erawh a la zual zel. UK album chart-ah pawh ropuina lukhum dang a khum leh theih ngei rin a ni.

Tunah hian UK album chart-a pakhatna ni thei album nei hnem ber chu The Beatles an ni a, an album 15 lai mai chuan pakhatna a luah tawh a, a dawtah Madonna leh Elvis an ni leh a, an album 12 ve ve chu pakhatna a ni tawh. Elvis hian Madonna hi a kalsan theih ngei rin a ni.

Elvis-a album 'The Wonder of You' chu orchestral rendition siam a ni a, UK-ah hian hralh a kal rih hle a, tun dinhmuna album mala hralh hnem ber a ni rih mek. Tunkar tluanin zawrh a la ni dawn a, kar leh tir lamah tunkar chhunga album hralh zatte tarchhuah a ni ang a, chutah chuan pakhatna a nih leh hlauh chuan Elvis hian Madonna hi a lehpel thei dawn a ni.