Tom Brady-te nupain Covid-19 vanga harsatna tawkte ṭanpui

National Football League (NFL) star Tom Brady leh a nupui Brazilian model Gisele Bündchen chuan Covid-19 avanga ei leh intur lama harsatna tawkte tan 'meal' 750,000 an pe a, Wheel Up nen ṭangkawpin 'meal' maktaduai 10 chuang an pe bawk.

Brady chuan heng thil an tih theih avanga a lawm thu sawiin, midangte ṭanpuina kawnga luanchhuah zel a duh thu a sawi. Kum 39 mi Bündchen pawhin khawvelin harsatna a tawk mek tih sawi langin, ṭan tlan a pawimawh takzet a ni, a ti.

Bündchen hian hri leng kara Porto khuaa Santa Casa de Misericórdia hospital-a naupang, kum upa leh rethei zawkte ṭanpui nan, @brazilfound nen ṭangkawpa special fund, Luz Alliance a din thu a sawi a, he fund-ah hian chaw, mamawh leh thil ṭul dangte chhunglut turin midangte a sawm nghal bawk a ni.