Slipknot Documentary YouTube-ah a en theih
Slipknot 'Unmasked: All Out Life' documentary chu YouTube-ah upload a ni a, Slipknot fan-te tan chuan ngaihven chi hle ang.
He documentary-ah hian an perform lai te, hmun danga an la tihchhuah zen zen loh an interview laite leh backstage-a an khawsak dante a lang a ni. 'Unmasked: All Out Life' hi BBC Radio 1 produce a ni a, a tirah chuan media player ṭhenkhatah chauh stream theih ni mah se April 16 khan YouTube-a thlir theih turin an dah chhuak ta a ni.
Slipknot chuan he documentary-ah hian hla paruk an perform a, an album hrang hrang aṭangin track pakhat
ṭheuh an sa a, mi tlemte hmaah an sa a ni. Darkar khata rei a ni a, an band dinhmun ṭhat lai leh chhiat lai te, multi-platinum albums sales leh Grammy an dawn aṭanga bassist leh songwriter Paul Gray an chan dan zawng zawngte pawh hmuh tur a awm.
American heavy metal band Slipknot hi kum 1995-a din kha niin percussionist Shawn Crahan, drummer Joey Jordison leh bassist Paul Gray-te din a ni a, hmaikawr rapthlak tak tak vuaha an perform ṭhin leh percussionist hmuhnawm tak takte chu an larpui ber.
Studio album paruk tichhuak tawhin music festival lian hrang hrangah an inlan nasa tawh hle a, band pakhata mi pakua lai an awm hi an danglamna pakhat a ni.
'Unmasked: All Out Life' documentary-ah hian kum 25 chhunga an band zinkawng hrang hrang tihlan a ni a, ruihhlo leh depression vanga buaina an tawhte pawh tarlan a ni a, Slipknot fan-te tan chuan en hmaih chi a ni lo ang.