Beckham hnenah 'Knighthood' hlan dawn

Football sawi apianga a hming lam rik fo tawh tur, England football captain hlui David Beckham chu King Charles III piancham lawmnaah British chawimawina sang 'Knighthood' hlan a ni dawn a, 'Sir David Beckham' a ni tawh dawn.

Beckham hi football huangah chauh ni lo, vantlang tana a hnathawh te, charity leh environment lam tana a hnathawh ṭhatte avanga chawimawina hi hlan a ni dawn nia sawi a ni. Beckham hian English football huangah pawh chawimawina pek phu khawpin sulhnu a lo nei tawh a, ram tan vawi 115 khelmualah in lanin, 2012 London Olypics-ah pawh England tan a thawh hlawk hle. Heng bakah hian football team lian tak Inter Miami president leh co-owner a ni tel a ni. Football mai bakah charity lamah sulhnu a nei ṭha hle a, charity pawl lian tak tak tan ambassador hna thawkin an thawh hona vang hian 'David Beckham Unicef Fund' chu kum 2015 khan din a ni zui ta bawk a ni. He charity fund hi UNICEF nen kum 10 chuang an lo thawh dun tawhna puala din a ni bawk. Report ṭhenkhat chuan kum 2011 khan he chawimawina dawng tur hian nominate a lo ni tawh niin an sawi.