Lalhmingthanga lehkhabu tlangzarh

Nimin khan I&PR Auditorium-ah ex-minister, Lalhmingthanga lehkhabu ziah pathum chu I&PR Auditorium-ah tlangzarh a ni.

Lalhmingthanga hi thu leh hlaah kan mi langsarte zinga thawhhlawk pawl tak a ni a, Zosangliani'n a lar pui
ṭhin 'Kar a hla' hla pawh kha ama phuah hi a ni. Nimina a lehkhabu ziahte hi pathum a ni a, pakhat chu ama chanchin 'Ka kawng zawhte' tih a ni a, pakhat dang chu fiction huang chhunga mi 'Kum 2025 Kumhlui Ni tla tur' tih a ni a, pakhat dang leh hi Mizo hla leh English poem dahna 'Suangtuahna Biahthu' tih a ni.

Lehkhabu tlangzarh inkhawm hi Zosangliana'n a kaihruai a, Rev. Dr. K. Thanzauva'n hunserh hmangin, Prof. Dr. Laltluangliana Khiangte chuan lehkhabute hi a tlangzarh. Tlangzarh inkhawmah hian DJ Lalvenhimi a zai bawk.