Spotify-ah kum 25 hnuai lam zingah Shawn Mendes a ropui ber

Spotify chuan kum khat chhunga an streaming site kaltlanga kum 25 hnuai lam zinga stream nasat berte a puang chhuak a, chung zingah chuan Shawn Mendes a turu ber.

Shawn Mendes hi Spotify-ah chuan a ropui hle a, chawhrualin thla tin a hla ngaithlatu maktaduai 25 nei ziah ang a ni a, a hla 'Stitches' chu tun thlengin mi maktaduai 600-in an stream tawh a, 'Treat You Better' ringawt pawh kha vawi maktaduai 360 stream a ni tawh. Kum 18 mi chauh a ni a, music khawvel≠ah chuan a hlawhtling hle tih heng aṭang hian a chiang reng mai.

Shawn Mendes dawta kum 25 hnuai lam zinga Spotify-a an stream nasat leh ber chu Ariana Grande a ni. Ariana Grande hian thla tin a hla ngaithlatu maktaduai 28 nei ang a ni a, thla tina hla ngaithlatu zingah chuan Shawn Mendes a kh˚m. Hla mal lamah Mendes a pha lo. 'Into you' hla kha vawi maktaduai 300 deuh thaw an stream a, 'Dangerous Woman' kha vawi maktaduai 240 an stream bawk. Kum 25 hnuai lam, an stream nasat zingah a zawnin Ariana Grande hi kum thum a lanna a ni.

Pathumnaah hian rapper hlawhtling mek, Chance the Rapper a awm a, Ariana leh Shawn Mendes te rawh a pha lo nasa hle. Thla tin a hla ngaithlatu hi maktaduai 6 nei ziah ang a ni. Rapper zinga a hlawhtlin chhan pakhat chu Spotify playlist, Rap Caviar-a a hla a dah vang a ni.

Martin Garrix chu palinaah a awm a, Justin Biber-a'n pangana a luah, Alessia Cara chu parukna a ni a, Charlie Puth chu pasarihnaah awmin, Fifth Harmony chuan pariatna an luah. Pakuana leh 10-naah hian Hailee Steinfeld leh Flume te an awm bawk.