Eric Martin-a'n India a fang ṭan

Aizawl-a a concert-na tur buaipui a ni mek a, Eric Martin pawh India ramah rawn lut tawhin Nizan aṭang khan concert a nei ṭan a, a concert neihna hmasa ber hi Gangtok a ni. Eric Martin hi November 15 khian Tribal Art Centre, Tanhril-ah a concert ang a, a concert hi DJ Lalvenhimi, Rosy K. Remsangpuii leh Boomarang ten an open ang. Ticket hi November 1 aṭang khian hralh chhuah ṭan a ni ang a, ZOfood (Near Vanapa Hall), Red Pepper (Chanmari), Y2 Goal Agencies (Chanmari), CD Trade Centre (Chanmari) ah te hian zawrh ṭan a ni ang a, hmun dangah siam belh tum a ni bawk. Ticket hi Company eng emaw zat aṭangin booked anih tawh avangin mipui nawlpuiah zawrh chhung rei lo thei ang bera siam tum a ni.