Sipai Pawl kum 100 tlin lawmna concert

Salvation Army, India Eastern Territory chuan nakkum April 26 khian kum 100 a tling dawn a, hemi inbuatsiahna atan November 29 khian Lammualah Centenary Concert an buatsaih dawn.

Centenary Concert an neih tur hi Salvation Army-in a enkawl, home hrang hrang - Motherless Babies Home, Aizawl; Hlimna In Girls Home, Saitual; KK Boys Homes, Lunglei leh Home for the Blind, Kolasib te ṭanpuina tur a ni nghal bawk dawn.

Concert-ah hian David Z Hmar (Dream Hunter), Boombooma (Boomarang) leh Ephraim (The Breeze)-a an guitarist ten item an neiho dawn a, Gospel singer larte an zai bawk ang. Concert ticket hi Era Boutique, Millenium Centre; Lawma Enfield, Sikulpuikawn; Dindin Pharmacy, Khatla Kawn; Matthew Restaurant, Chaltlang Bethel Lungphun bul; Zo Colours, Temple Square leh Mizo Tea, Temple Square-ah te zawrh a ni a,Rs. 50, Rs. 100 leh Rs. 500 man tea ticket hi siam a ni.