Eminem kum 12 chhung a 'dry' ta!

Rap legend Eminem chuan kum 12 chhung tehmeuh ruihhlo leh zu tel loin hun a hmang ta a, he hun hlu tak hriatrengna tur hian social media-ah post a siam hial! A ngaihlu ve hle a ni ngei ang.

Rap god chuan sobriety coin, number 12 thumal pathum- recovery, unity leh service-in an hualna chu post-in a hnuaiah “Clean dozen, in the books! I’m not afraid” tih a ziak a ni.

Eminem hi ruihhloa talbuai ve ṭhin tak a ni a, mahse April 20, 2008 aṭang khan  Vicodin, Valium leh Ambien a tih ṭhinte chu a thlah a, ruihhlo lak ata a tal chhuah hnu kum hian 'Relapse' album a tlangzarh nghe nghe.

A vanglai hun a hman lai khan ruihhlo nen a hun a hmang ve nasa ṭhin hle a, kum 2007 kha chuan methadone overdose-te pawhin an hmu hial.

Marshall Bruce Mathers III hi a ruihhlo tih avang hian a talbuai ve hle ṭhin a, Vi­codin leh Valium a ei ṭhinte chuan a pum tiruakin a pumnat lohna turin thil a ei vak vak ṭhin.

Chumi avang chuan kg 104 (230 pounds) laite pawh a tling hman. Methadone-a overdose avang hian damdawi-inte hial luhpui a ni a, la nghei chuang loin kum khat chhung chu nasa takin ruihhlo lamah hian a la tlan tho a ni. Damdawi hi a ti nasa hle a, doctor phei chuan heroine tam tham tak ei ang a nih thu leh a thih ṭep thute a hrilh hial a, hemi hnu hian nasa taka a beih hnuah  April 20, 2008 khan a ruihhlo tih ṭhinte chu a thlah thei ta a; nikum lamah pawh khan a ruihhlo nghei aṭanga kum 11 a tlin thu a sawi tawh bawk.

Eminem hian studio album 11 a tlangzarh tawh a, a vai hian a hlawhtling em em vek ti ila kan sawi sual awm lo e. Album a tlang­zarh tur puangzar lawk loa tlangzarh thut a ching viau chung pawhin a album-te hi a hlawhtling em em zel a ni.