Venice Film Festival 2020 kaltlangpui dawn
Hripuiin khawvel nasa takin chawkbuaiin entertainment khawvel pawh nasa takin chawk buai mek mah se Venice Film Festival 2020, September-a neih tur erawh ṭhulh a ni dawn lo.
Film, music, television leh sports event hrang hrang ṭhulh a nih laiin Venice Film Festival erawh ṭhulh a ni ve dawn lo a, Italy chu hripui tuar nasa ber zinga mi mah ni se Venice Biennale president Roberto Cicutto chuan ṭhulh emaw sawn hlat emaw a ni dawn lo tih hi Thawhṭanni khan a sawi mauh mai.
Venice chief chuan Italy sorkarin movie theatre paruk emaw pasarih emaw hawn an phalsak a rin thu a sawi a ni.
Italy hi March thla tir lam aṭang khan lockdown a la ni char char a, hri leng vang hian mi 23,000 chuan an thi tawh bawk.