Triau Trackx 'Lungtât par' An duh aia hmain a par chhuak

Album an tihchhuah hnuah an reh deuh vang vang a, tunhnai khan Triau Trackx hla thar a rawn chhuak a, ngaihthlak a hlawhin sawi zui pawh a hlawh nghal hle. Kha an hla 'Lungt‚t par' kha anmahni Triau Trackx duh aia hmaa par a ni a, a put ru palh zawk a ni a, an hla original chu zanin hian Zoland.in-ah an dah chhuak ang.

Triau Trackx drum≠≠mer, Ramenga chuan, "A put ru a, a pawi tak tak, kan duh ang music kan dah fel hmaa put ru a ni. A music kan duh ang taka kan siam chu Nilaini zan hian kan tichhuak ang a, Zoland.in-ah a duh apiang download theih turin kan dah chhuak ang," a ti. Vawiin chawhma hian siam ṭhat ngai laite an siam ṭha ang a, chawhnu lam aṭangin internet-a dah chhuak turin an buaipui ṭan ang.

Ramenga chuan, "Kan hla record tawhah chuan a hautak ber a ni a, a put ruk chungchangah pawh keimahni thiam loh a ni zawk mah. Hralh chhuah tura kan siam a ni lo a, a put ru pawh hi ṭhenkhat chuan ui viau lo turah min ngai mai thei a, mahse a put ru kan duh lohna chu kan duh ang tak music a nih hmaa an lo ngaithla hi a ni," a ti. 'Lungt‚t par' put ru music leh zanin aṭanga dah chhuah tur, an duh ang taka an siam music chu a innalh hleih hle dawn. "Kan dah chhuah turah hi chuan a music a hrang hlak ang," a ti bawk.

"He hla hi chu kan risk ve tak tak a ni. He hla kan siam dawna kan rilrua awm chu hmanlai music tunlaia mite zingah a hlawhtling thei ang em tih a ni. A guitar tone-ah pawh hmanlai ang chi kan hmang a, Mizo chord thiam ang chi kan hmang. A put ru aṭang hian kan rin aiin a hlawhtlin hmel," tiin Ramenga hian a sawi.

Triau Trackx hi Zo rimawi khawvelah chuan kan hmu rei tawh lo mai thei. 'Lungt‚t par' zawh hnu hian '1960' an tichhuak leh ang a, hei hi chu nakkum lama tihchhuah tur a ni ang a, a bak chu a beiseiawm tawh loh viau. 'Eizawnna lam hian min nawr na ve tawh a, musician tan chuan thil a harsa viau a, chuvang chuan Triau Trackx ang pawhin kan ti zui vak tawh lo mai thei. Nawrna a nasa viau a nih ngawt loh chuan," a ti.

'Lungt‚t par' an tih≠chhuah tur chung≠chang≠ah Triau Trackx te chuan What≠sapp-ah te a hla thawn darh loin, Zoland.in-a an dah hunah a link zawk thawn darh turin mipuite an ngÍn. What≠sapp-a thawn chhuah hian a quality nasa takin a hloh a, an duh chu a sound
ṭha taka mipuitena kan ngaihthlak a ni a, chuvang chuan a hla ni loin a link zawk tidarh turin min duh.