Michael Douglas a hlauthawng hman

Actor leh producer hlawhtling Michael Douglas-a hi a lei a cancer a ni tih hmuhchhuah a nih lai khan a hlauthawng hle ṭhin a, a thihpui ngei tur natna niin a ngai hial.

Douglas hi kum 2010 khan a hrawkah b‚wk a awm a, an han enchian chuan cancer a ni tih hmuhchhuah a ni a, doctor ṭha ber ber leh damdawi ṭha ṭha ei mah se, a tir kha chuan a hlauthawng hle. Amah, Douglas ngei pawhin a thihpui tur natna a nih a ring.

Catherine Zeta Jones pasal, kum 72 mi hian film lamah a career pawh a beisei ngam tawh lo tih a sawi a, a dam chhuah pawh a inring lo. "Ka tan chuan he natna hi ka thihpui ngei tur a ni tawh ngei ang chu maw' tiin ka ngaihtuah nasa hle a ni," a ti. Uluk taka enkawl a ni a, sum a nei a, hmun
ṭha ber ber pan thei a ni a, a inenkawl a, tunah chuan
ṭha takin a dam tawh a ni. A lei cancer avang hian red wine erawh a in zui thei ta lo a, a in tur duh ber a ni.