Kum nga hnuah A7X an rawn let leh

Kum nga chhung zet mai music thar neih loh chu Avenged Sevenfold fan tan chuan rei ngar ngar tak a ni. Tunah chuan A7X fan-te tan manganna tur a awm ta lo e, hla thar an rawn tichhuak a, Billboard-a Hot Rock Songs chart-ah an rawn thleng sang.

Avenged Sevenfold hian album an tichhuak hnai a, an album tihchhuah hma hian single an tichhuak hmasa te te a, an single tihchhuah hi 'The stage' a ni. He hla hi Billboard Hot Rock Songs chart-ah top 10-ah a lang mek.

'The Stage' hla hi US-ah chuan vawi maktaduai 1.9 zet stream a ni a, vawi 15,000 lai download a ni tawh bawk. A7X album thar tur hi 'Voltaic Oceans' a ni a, December 9 hian an hralh chhuak ṭan ang. He album hi kum 2013-a 'Hail to the King' an tihchhuah hnua an studio album puitling pangngai hmasa leh ber tur a ni. 'Hail to the King' hi Billboard 200-ah pakhatna a luah thei a, chawlhkar khat chhungin copy 159,000 zet an hralh thei.