Gospel Explosion turin inbuatsaih mek

KṬP Model Veng Branch leh Zonet ṭangkawptena an buatsaih tur, Gospel Explosion, gospel concert tur atan inbuatsaihna a kal zel a, he concert-a zai tur zaithiamte pawhin hla an zir ngawrh tawh hle.

Gospel Explosion hi November 18 khian TV-a tihchhuah a ni ang a, Zonet Zawlbukah a pulunga tihchhuah tur a ni. Hetah hian tunlai zaithiam hrang hrangte an zai dawn. Zai turte hi Rintea, Hmingtea, TBC-a, Andrew, Mawitei Ralte (The Chosen), Hlimhlim-i, Zoramchhani, Duhsaki, Grace Lalchhanhimi, Pensy, Grace Zodinpuii, Drop Doubt leh 'Harhna ropui' hla satu Tetea, Zoremi leh Ruth-i te an ni.