C. Lalzarmawia Album pathumna tur a buatsaih leh ṭan

Tunlai Zoram khaw≠vela fakna hlaa thawhhlawk em em, a hlate Zoram puma sak hlawh, C. Lalzarmawia chuan album thar a buatsaih mek a, amaherawhchu kuminah kan hmu hman dawn lo.

C. Lalzarmawia hian a album thar tur atan hian ruahmanna a siam hle tawh a, a hla hrang hrang sa tur zaithiamte pawh a tifel vek tawh. Hei bakah hian musician tur te, recording tih hun tur, album release hun tur, hla awm zat tur leh album hming tur nen lam a ruahman fel vek tawh.

He album hi Nang fak zel che ka duh' (live album) zulzuia siam tura ruahman a ni. A hla hlui eng emaw zat kan hmu ang a, chu bakah chuan a hla thar a awm bawk ang; hla awm zat tur hi 10 a ni. Musician turte hi Valpuia, Faktea, Tea leh Mathana (Efx), Serkawna mite vek an ni dawn a, amah, C. Lalzarmawia hian guitar a chang thung ang. Hei bakah hian a ṭul dan azirin musician pawh lak belh zel a tum. Video khawih tur hian M Space, Malsawmkima a hmang ang.

C. Lalzarmawia hian ruahmanna a siam thui tawh hle a, tuna a tum dan chuan nakkum April thla hian record a tum a, June thlaa tihchhuah hman a tum. Zaithiam zai turte pawh a be fel tawh a, demo track tur pawh a buaipui ṭan mek. Tuna mi hi a album pathumna tur a ni dawn a, kum 2006 leh kum 2012 khan album a lo tichhuak tawh. Hla pawh a phuah hnem ve tawh hle a, hla 64 lai a phuah tawh a ni.