Dylan-a'n Nobel Prize a dawng ang em?

Nobel Prize for Literature dawng tura thlan a ni a, he award hian USD nuai 9 a keng tel a, mahse a dawngtu Bob Dylan hian he pawisa hi a la ang em tih erawh zawhna a awm.

Bob Dylan hian award a dawn a pawm thu pawh a sawi chhuak lawk lo a, chuvang chuan Literature-a winner a nihnain a ken tel USD nuai 9 pawh a dawng thei lo mai thei. He pawisa dawng tur hian December 10 aṭanga thla ruk chhungin Dylan hian literature lamah lecture a pek ngei a ngai a, a nih loh pawhin Dylan-a chungthu bikah hi chuan vawi khat hemi pual hian a concert a ngai. Hetiang hi a a tih loh chuan sum hi a dawng thei dawn lo.

Swedish Academy lam chu an buai lutuk lo ang a, mahse Bob Dylan-a chetvel danah erawh an lung a dam z‚n lo deuh. Bob Dylan hian Nobel Prize for Literature hi a dawng duh emaw duh lo emaw he chawimawina semtute hi chuan a dawngtu zingah an ziak tel tho tho dawn a, mahse pawisa hi chu a duh loh chuan an pe lo mai ang.

Swedish Academy-in a tira Bob Dylan hming an puan aṭang khan mi tam tak chuan an sawisel tawh a, Bob Dylan-a hnathawh leh thil tih hian he chawimawina hi a phu rÍng em tihte zawhna a tam mai. Nobel Prize hi mi parukin an lo hnar tawh a, chung zingah chuan Bob Dylan pawh hi tel thut thei a la ni reng.