The Voice Bebe Rexa-i'n Team Blake Shelton a zawm

The Voice Season 18-a Team Blake Shelton official advisor atan American singer Bebe Rexha chu thlan a ni.

Bebe Rexa hian hemi chungchang hi a Instagram-ah tarlangin Team Blake Shelton official advisor a ni tur chu a lawm thu a tarlang tel nghal bawk. Season hmasaah khan Rexha hi 'Comeback Stage' a coach pangnaah a ṭang  tawh bawk a ni. Country music huangchhungah hian mikhual a ni bik lo a, an hla hit 'Meant to Be'-ah pawh khan Florida Georgia Line chu a lo thawhpui tawh a; he hla hian 1st-annual Grammy Awards-a Best Country Duo/Group Performance category-ah nominate a ni hial.

The Voice hi a ngihnawm chho zel dawn niin a lang a,  Team Nick Jonas pawhin a unaute chu advisor turin a lo sawm tawh bawk a, Kevin leh Joe Jonas-te pawh he show ngaihhlut takah hian an inlan dawn. Nick Jonas hi coach a nih ṭumkhatna a ni dawn a, hetihlai hian The Vocie Australia-ah erawh advisor a lo ni tawh thung. Chumai a la ni lo, Team Kelly Clarkson chuan pop singer Dua Lipa a hnuklut tawh bawk a, Team John Legend pawhin pop singer Ella Mai a lalut ve tawh bawk a ni.

Rexha hi kuminah hian Grammy Awards presenter a ni dawn a, Blake Shelton hi Gwen Stefani nena perform dun tur an nih bakah Best Solo Country Performance nominee a ni bawk. The Voice Season 18 hi February 24 aṭangin ṭan a ni ang.