Khaby lame-a'n U.S chhuahsan

TikTok aṭanga khawvel mipuite hriat, follower maktaduai chuang nei Khaby Lame chu a U.S visa in a huam chin tawp hnuah pawh a la cham chhunzawm avanga immigration agent ten an hren hnuah U.S a chhuahsan ta.

Senegalese-Italian influencer, a hming tak Seringe Khabane Lame chu Zirtawpni khan Harry Reid International Airport-ah hren a ni a, deportation order pe loin U.S a chhuahsan phalsak a nih thu U.U Immigration and Customs Enforcement thupuangtu chuan a sawi. Lame hian April 30 khan U.S hi thlengin, hren a nih leh U.S a chhuahsanna hi president Donald Trump-a'n U.S khua leh tui ni lo an ram chhuahsan tura thupek a tih chhuah hnuah leh, ICE te laka lungawi lohna mipuiin an lantir hnuah a ni. Kum 25 mi, Lame hi pandemic lai aṭang khan rawn lar chho ṭanin, TikTok-ah follower maktaduai 162 a nei. Designer brand, Hugo Boss nen kum 2022 aṭang khan thawkdunin, January thla khan UNICEF goodwill ambassador atan ruat a ni. Thla hmasa khan New York City-a neih, Met Gala-ah a inlan bawk.