Disney leh Universal-in AI company khing

Disney leh Universal-te chuan Nilaini khan artificial intelligence image-generator lar tak, Midjourney lakah copyright thubuai an theh lut. Hei hi Hollywood company lian tak takte'n generative AI chungchanga legal battle an thehluh hmasakna ber a ni.

Thubuai hi Los Angeles-a federal district court-a thehluh niin, Midjourney chu Hollywood studio pahnihte character lar tak tak, Star Wars-a Darth Vader leh Despicable Me-a Minion te chu phalna nei loa an lem siam leh ti darhah an puh.

Studio-te chuan San Francisco-a AI company hian a thil tihte titawp tura an ngenna chu a ngaihsak lo niin an sawi bawk. AI developer-te hian thlalak leh thil dang an siamte chu date source an ti lang ngai lo a, hei vang hian tun hnaiah AI platform developer-te khinna pawh a awm chho nual.