Facebook-in Reliance Jio 'stake' 9.99% a lei

Social Media giant Facebook chuan Reliance Jio stake 9.99% chu $tld 5.7 (Rs vbc 43,574)- in a lei.An inremna hi Jio Platform hlut zawng $tld 65.95 (Rs vbc nuai 4.62) anga chhut atanga an neih a ni tih an tarlang.

RIL chuan Facebook nen an inremna chu khawvela technology company-in minority stake-a investment a neih lian ber a ni tih sawiin, India rama technology sector-ah phei chuan FDI lian ber a ni, an ti bawk. 

Facebook chuan,"He investment hian India kan ngaihpawimawh zia a tilang a, Jio-in ram chhunga danglamna a lo thlen tawhin phurna min thlen nasat zia a tilang bawk. Kum li tling loah Jio hmang hian mi maktaduai 388 laiin internet an khawih thei. Jio hmang hian India rama mi tam zawk thlunzawm kan tum a ni," tiin an sawi.

"Kan tum ber chu sumdawnna eng chi tan pawha kawng thar hawn sak a ni a, a bik takin India hmun hrang hranga small business $maktaduai 60 chuang awmte chu ka tinzawn a ni," tiin an sawi bawk.