Black Panther Chadwick Boseman an thlak dawn?

Marvel Cinematic Universe-ah Chadwick Boseman kan hmu chhun­zawm zel dawn em tih a chiang ta tlat lo.

'Captain America: Civil War' aṭanga MCU-a rawn inlan ṭan Black Panther role hnehsawh taka rawn changtu Chadwick Boseman hi Marvel nen hlawh chungchangah an inrem lo niin thuthang a awm tlat mai.

Khawthlang lam media ṭhenkhat chuan Chadwick Boseman hian a hlawh san a phut niin an sawi a, mahse Marvel lam chuan hei hi an rem ti lo a, Boseman thlakna tur hian ruahmannate pawh an siam hial tawh niin an tarlang.

Marvel hian Robert Downey Jr., Chris Evans, Scarlett Johansson leh Chris Hemsworth-te chu hlawh sang tak pe mah se an duh vak loh erawh thlak an hreh lo tih a chiang. Iron Man-a  James Rhodes role-a chang hmasatu  Terrence Howard pawh hlawh san a phut avangin an lo thlak tawh bawk.

Chadwick Boseman hi kum 2016 khan 'Captain America: Civil War'-ah a inlan a,  Black Panther movie (2018)-ah inlan lehin 'Avengers: Infinity War' leh 'Avengers: Endgame'-ahte a inlan leh bawk a ni. Thuthang hi a dik a nih chuan Boseman hi MCU-ah kan hmu tawh lo mai thei.