Sinners star Miles Caton gospel singer a ni

Tun hnaia vampire horror film chhuak thar, Ryan Coogler kutchhuak 'Sinners' a inlan Mike Caton kha cinema lama a inlan hma khan gospel singer niin pulpit hmaah te Pathian fakin a lo zai tawh ṭhin. Lemchan lamah mikhual hle mah se gospel rimawi huangah chuan a lo theuneu lo hle a ni.

Caton hi an chhungkuain gospel rimawi lamah hian an in hmang thuk hle a, a nu Timiney Figueroa leh a nutei Anaysha Figueroa-Cooper pawh hi gospel vocalist, rimawi hmanga rawngbawl hna lo thawk tawh ṭhin an ni. Caton hi kum 12 mi chauh a nih laiin Nina Simone 'Feeling Good' a sak chu a viral chiam a, heta ṭang hian hriat a rawn hlawh chho ṭan ta nghe nghe.

'Sinners' ah hian Caton chuan Sammie Moore, pastor fapa, Pathianin a kohna chhan leh chhan loh chungchanga rilru insual bat bat lem a chang a ni. A thlarau nun zinkawng chuan a role ti hlawhtling tur hian a pui nasa hle niin a sawi.