Warner Bros. Discovery company pahnihah ṭhen dawn

American multinational mass media lian, Warner Bros. Discovery chuan company sumdawnna in tlakhniam lam a pan hnuah nimin Thawhṭanni khan production company pahnihah an inṭhen tur thu an puang. Mahse, Warner Bros. Discovery CEO nilai David Zaslav erawh hotu a la ni chhunzawm ang. Company hian tun dinhmunah leiba USD tld 38 dawn a nei mek a ni.

Company pahniha ṭhen hnuah pakhat hian streaming lam enkawlin a dang pakhat hian traditional television lam a enkawl thung ang. Warner Bros inṭhen hrang tur hi kum 2026 kum laihawl bawr velah tih hlawhtlin famkim theih beisei a ni bawk.

American media lian hian hun eng emaw chen aṭang khan sum nasa taka hlohin, an cable TV network TNT leh TBS lama an content-te a tuihnang loh chhoh vang niin an tarlang. Hei mai bakah hun rei tak aṭanga an thawhpui NBA TV-a tih chhuah phalna an lo neih tawh pawh tun hnai khan an chan a ni.