Harry Potter TV series changtur puan belh

HBO-in J.K. Rowling lehkhabu ziah behchhana a siam thar leh tur, Harry Potter TV series-a chang tur mi pakua a puan belh leh a, an zingah hian Malfoy leh Dursley role chang tur pawh an tel. HBO hian Rowlings lehkhabu pasarihte hi season hrang hranga siamin tih chhuah a tum a ni.

Role chang tur mi pakua an puante hi Molly Weasley-a chang tur Katherine Parkinson bakah Lox Pratt chu Draco Malfoy, Johnny Flynn 'Lucius Malfoy', Leo Earley 'Seamus Finnigan', Alessia Leoni 'Parvati Patil', Sienna Moosah 'Lavender Brown', Bel Powley 'Petunia Dursley', Daniel Rigby 'Vernon Dursley' leh Bertie Carvel chu 'Cornelius Fudge' angin an in lan dawn a ni.

A hma hian John Lithgow chu Dumbledore Headmaster Albus chang tura thlan tawh niin, Janet McTeer chu Professor Minerva McGonagall leh Paapa Essiedu chu Professor Severus Snape lem chang tura thlan an lo ni tawh bawk.

HBO hian Harry Potter TV series hi a lehkhabu leh ziaktu ziah ang mil thei berin siam nawn leh an tum a, JK Rowlings pawh executive producer a ni nghal dawn bawk.