Dolly Parton-in 2025 Jean Hersholt Humanitarian Award dawng dawn

American singer, songwriter, musician, actress, leh philanthropist ni bawk, country legend Dolly Parton chu Oscars annual Governor Awards, November 16-a neih turah Jean Hersholt Humanitarian Award hlan a ni dawn.

He chawimawina lo dawng tawh, Frank Sinatra, Danny Kaye, Quincy Jones, Harry Belafonte leh Debbie Reynolds-te nen Parton hi huang khatah an awm dawn ta a ni.

Award semnaah hian Dolly Parton bakah Debbie Allen, Tom Cruise leh Wynn Thomas-te chu Academy of Motion Picture Arts and Sciences board chuan Honorary Awards a hlan dawn bawk. Parton hi kawng hrang hranga mamawhtute tana a hmalakna avangin chawimawina hi hlan a ni dawn a ni.

A hmalakna hmang hiancharity pawl hrang hrang din a lo ni tawh a ni. The Queen of Country an tih hial hian a bultumin Dollywood Foundation tih chu 1988 khan East Tennesse-a naupang lehkha zirna kawnga puihna turin a lo din tawh bawk a ni.