Alcon-in Village Roadshow Entertainment Group Film Library lei

Roadshow Entertain-ment Group in sum lama harsatna an tawh avanga an group library, feature film 108 awmna an zawrh chu Alcon Media Group LLC chuan USD mtd 417.5 in an lei tih Nilaini khan an puang.

Alcon hian Roadshow Entertainment Group library film awmte right leh royalty tel tur hrang hrang pawh an lei tel vek a ni. Hei bakah motion picture, company dang kutchhuak an co-produce leh co-finance zawng zawng aṭanga hlutna tel tur pawh an lei tel vek bawk.

Roadshow Entertainment Group film produce hrang hrang - Mad Max: Fury Road, Ocean’s Eleven series, The Matrix trilogy, Joker, Ready Player One, Sherlock Holmes franchise, Wonka leh film dangte pawh lei tel vekin, heng film-te hian kum tin USD mtd 50 vel an la lut thei ṭhin a ni.