Fishtail feat MDM Various Artist Krismas Chibai

Lenglawng leh fakna hla, Krismas hla ni bawk inpawlh hi i hre ngai lo a nih chuan i hre thuai dawn. Fishtail leh MDM zaithiamte chuan music video thar an siam a, tunkar hian TV lamah an pe ang. He hla hi Krismas hla a ni a, November thlaah 'Krismas Chibai' tiin Krismas atan min chibai lawk.

'Krismas Chibai' tih hla hi lenglawng leh gospel huang chhunga dah theih ve ve a nihna chen a awm a, a ch‚ng tin hi a danglam a, chuvang chuan heng Mizotena music kan ṭhen dan huang hnihah hian a bel luh theih ve ve ang; Krismas lo thleng turah midangte tana malsawmna ni tura sawmna a ni ber. A music genre zawng chuan hip-hop lamah rin luh theihna chin a awm a, pop rock kalhmang pawh thui tak zui a ni a, tunlai ṭhalaite ngaihven leh ngaihthlak duhzawng tak tur a ni.

He hla hi PL Engmawia Fishtail Sateek phuah a ni a, Flair Mizo chu a rap dawn a, ngaih≠thlak a chakawm viau mai. Ani bakah hian Josephine Lalawmpuii, Andria Chhangte, Abawihi, Ruth Z Fanai leh Jenet-i te an zai. PL Engmawia hla phuah eng emaw zat chu music video-a buatsaih chhoh mek a ni a, a ṭhen chu kuminah kan hmu ang a, ṭhenkhat dang chu nakkumah kan hmu ang.

PL Engmawia hla phuah zinga Krismas hla tho pakhat chu 'Krismas Chibai' satute zinga mi, Josephine Lalawmpuii hian music video atan a buatsaih mek. Josephine-i solo Krismas music video tur hi 'Krismas hlimten' tih a ni a, reiloteah kan hmuh thuai a rinawm. Josephine-i hi tunlai zai≠thiam hlawhtling pawl tak a ni a, Ṭhazual chart lamah pawh kan hmuh
ṭhin kha. "Ka zawt a che' tih hla hmangin Ṭhazual top 10-ah kan hmu tawh a, 'I lo ni reng si' tih pawh top 10-ah bawk a lang thei.

'Krismas Chibai' hlaa zaite hi kan hriat sa dueh vek an ni a, Andria Chhangte erawh kan la hre lar vak lo mai thei. Amah hi Vairengte nula a ni a, tun hi music video-a a vawi khat lanna tur a ni. 'Krismas chibai' hlaah hian Fishtail band hi musician an ni ang.