US Box office aṭangin Disney-in sum la lut hnem ber

Kumin kum chanve, January 1 - June 15 chhunga film hrang hrang tih chhuah aṭanga US box office-a sum lut zawng zawng chu USD tld 3.7 a kai tawh a, nikum tun ang huna sum lak luh aiin 23% in a tam zawk. Heng sum lut zingah hian Disney Studios chu sum la lut tam ber niin USD tld 1.1 a la lut tling tawh.

Disney-in sum a lak luh zingah hian Lilo & Stitch chuan a thawh hlawk hle a, USD mtd 371 a la lut tling tawh. Marvel Studios kut chhuak 'Captain America: Brave New World' chuan USD mtd 200.5 hmu tawhin, 'Thunderbolts' in USD 188.9 leh 'Snow White ' in USD mtd 87.2 an la lut tawh bawk a ni.

Sum la lut tam pahnihnaah hian Warner Bros. awmin USD mtd 906.9 a la lut tling tawh a, kumin chhungin USD tluklehdingawn a lak luh hman beisei a ni bawk. Warner Bros. hian thla lehah hian film pathum tih chhuah tur an la nei a, a sum lak luh pawh a pung chhoh leh hle a rinawm.