China-ah AI hmangin Kung Fu film siam dawn

China leh Asia huam chhunga film festival lian ber leh China international cinema event huaihawt upa ber, 27th Shanghai International Film Festival chu hlawhtling taka neih leh niin China Film Foundation leh a thawhpuite chuan AI hmang veka siam Kung Fu Film tih chhuah a nih tur thu an tarlang. Hei mai bakah hian classic martial arts film 100 chuangte chu AI hmanga siamṭhat leh tum a nih thu an puang bawk.

AI hmanga classical martial arts film hrang hrang tuaithar a nih bakah hian, "A Better Tomorrow: Cyber Border" pawh animated-a tih chhuah thar leh tur a ni bawk.

Film siam thar turah hian AI hi image, sound, leh production quality-te khawih danglam nana hman a ni ang. Mahse, a film kalhmang leh a story line-te erawh khawih danglam a ni dawn lo thung.

AI hmanga film siam thar tur zingah hian Bruce Lee leh Jackie Chan-te in lanna ‘Crouching Tiger', 'Hidden Dragon' leh ‘Wolf Warrior,’ bakah “Fist of Fury,” Boss,” “Once Upon a Time in China,” leh “Drunken Master,” te pawh an tel.